Mjez tym běchu so njeličomne črjódy zhromadźili, tak zo sej mjezsobu na nohi teptachu. Tu poča wón (Jězus) rěčeć, najprjedy k swojim wučomnikam: Hladajće so farizejskeho zakisa, to je tajenstwo! (Lk 12,1).
W dźensnišim ewangeliju skedźbnja Jězus Chrystus swojich wučomnikow na farizejow a namjetuje so jich zakisa zdalować. Tola bjez farizejow njeby scyła Judaizm wobstał. Hdyž bu w lěće 70 Jerusalemski templ zničeny, su mjenujcy woni tak mjenowanu Jamnisku akademiju załožili a z tym nabožinu časa Jězusa wobchowali. Ludźo njejsu štomy, tuž njesu dobre a złe płody.
DJD